राज्यसभा म साहू समाज ल प्रतिनिधित्व दिए जाए के मांग, मुख्यमंत्री भूपेश बघेल ल लिखिस पत्र

जय जोहार रायपुर…. छत्तीसगढ़ म राज्यसभा के दो सीट म चुनाव होवइया हे। ओखर पहिली साहू समाज ह मुख्यमंत्री भूपेश बघेल ल पत्र लिख के समाज के कोनो नेता ल राज्यसभा म प्रतिनिधित्व कराए जाए के मांग करे हे।

साहू समाज ह कहिन कि पिछिली बार विधानसभा चुनाव के पहिली हुए राज्यसभा चुनाव म कांग्रेस ह साहू समाज ल प्रतिनिधित्व दे रहिस। लेकिन वो समय विधायक मन के संख्या बल कम होए के चलत हार के सामना करे ल पड़िस।

साहू समाज ह कहिन कि छत्तीसगढ़ म साहू समाज के लगभग 56 लाख आबादी हे। साहू समाज ल आज तक राज्यसभा के प्रतिनिधित्व करे के अवसर प्राप्त नई होए हे। साहू समाज ह मुख्यमंत्री ले आगामी राज्यसभा चुनाव म एक सीट ले साहू समाज के कोनो नेता ल राज्यसभा म प्रतिनिधित्व के अवसर प्रदान करे के मांग करिस।