एसआई, एएसआई समेत 6 पुलिसकर्मी के डिमोशन, डीजीपी ह जारी करिस आदेश

रायपुर। आउट ऑफ टर्न प्रमोशन पवईया एसआई, एएसआई समेत 6 झन पुलिसकर्मी ल डिमोशन कर दे गिन हे। साल 2010 ले 2015 के बीच एकर मन के प्रमोशन होय रिहिस। जेकर बाद पांच सदस्यीय समिति के गठन करे गे रिहिन।

जांच म प्रमोशन के संबंध म कोनो तरह के बईठक अउ न ही कोनो अनुशंसा पाई गिन। जेकर बाद डीजीपी डीएम अवस्थी ह ये संबंध म बुधवार के देर रात आदेश निकाल के ये सबो पुलिस अधिकारी, कर्मचारी मन के डिमोशन आदेश जारी करिन हे।

जारी आदेश म एसआई अम्बरीश शर्मा ल एएसआई के पद म, एएसआई अंगनपल्ली गणपत राव ल हवलदार,  हवलदार रंजीत पिल्ले, अतुलेश राय, राकेश जाट अउ अवधेश यादव ल आरक्षक के पद म डिमोशन करे गिन हे।