Raipur: जेईई अऊ नीट परीक्षा के आयोजन के विरोध म उतरिस कांग्रेस, रायपुर म करिन प्रदर्शन
जय जोहार…. (Raipur) कोरोना के बाढ़ते संक्रमण के बीच केन्द्र सरकार ह जेईई अऊ नीट परीक्षा के आयोजन करत हे, जेखर देश म विरोध सुरु हो गे हे। कई राज्य के मुख्यमंत्री मन ह घलो अपन विरोध जतइस।
एआईसीसी के निर्देश म रायपुर (Raipur) म कांग्रेस ह घलो जेईई अऊ नीट परीक्षा के विरोध म प्रदर्शन करे हे। ए प्रदर्शन म पाठ्य पुस्तक निगम के अध्यक्ष अऊ कांग्रेस के संचार विभाग के चेयरमैन शैलेश नितिन त्रिवेदी ह घलो शामिल होय हे।
(Raipur) पाठ्य पुस्तक निगम के अध्यक्ष श्री त्रिवेदी ह कहिन कि सत्ता के घमण्ड म मोदी सरकार के तरफ ले छात्र मन के मांग ल अनदेखा करे जात हे। मेडिकल अऊ इंजीनियरिंग म प्रवेश बर जेईई अऊ नीट परीक्षा आयोजित करे म मोदी सरकार ह अमादा हे।
जबकि लाखों छात्र मन ल ए परीक्षा म भाग लेना हे। (Raipur) अगर एक संग लाखो छात्र बइठही त ना जाने संक्रमण के का विस्तार होही। छात्र मन ल खतरा म डाले जाय के कांग्रेस पार्टी ह विरोध करत हे।
