वनपट्टा के मांग ल लेके आदिवासी मन ह  करिन प्रदर्शन

रायपुर: प्रदेशभर के आदिवासी समाज के लोग मन ह शनिवार के वनपट्टा के मांग ल ले के  रइली निकालीन अउ बीच सड़क म धरना दिन. आदिवासी समाज के करीब 5 हजार लोग मन ह  सुप्रीम कोर्ट के फिसला के खेलाफ रइली निकालीन अउ सड़क जाम करत हुए नारेबाजी कर विरोध प्रदर्शन करिन। बड़ संख्या म तइनात पुलिस बल ह आदिवासी मन ल पचपेड़ी नाका के तीर रोक दिस.

रइली ल संबोधित करत हुए आदिवासी समाज के नेता पूर्व आईएएस बीपीएस नेताम ह कहिन के वन्य प्राणी मन बर आदिवासी मन ल जंगल मन ले बेदखली बर्दाश्त नइ करे जाही. का आदिवासी जानवर ले घलो गए बीते हवय?

नेताम ह कहिन के, आदिवासी समाज सुप्रीम कोर्ट के फइसला ले  सहमत नइए, जेमा आदिवासी मन ल वनपट्टा न दे के निर्देश दे  गे हे. नेताम ह पूछिस के, सदियों ले जंगल मन म काबिज आदिवासी आखिर कहां जाही. ? आदिवासी समाज के नेता सोहन पोटाई ह कहिन के,  सरकार हमन ल अपन जगा ले  बेदखल करे के काम रहत हे.  15 दिन के हमन समय दे हन. एखर बाद बड़का रननीति बनाबो.