उप मुख्यमंत्री अरुण साव ह विकास कार्य के करिन भूमिपूजन, निर्माण कार्य के औचक निरीक्षण करके लोगन मन के समस्या सुनिस
बीजापुर। उप मुख्यमंत्री अरुण साव लगातार फील्ड म उतरके विकास कार्य के जमीनी हालात के निरीक्षण करत हें। ओमन ह गुरूवार के मुंगेली जिला के लोरमी नगर पालिका के तुलसाघाट वार्ड म निर्मित सीसी रोड के औचक निरीक्षण करिन। ओमन सड़क के गुणवत्ता ल लेके लोगन मन ले चर्चा करके उखर समस्या घलो सुनिंस। ओमन ह वार्ड म 14 लाख रुपए के लागत ले बनइया सड़क के भूमिपूजन घलो करिन। उहें 80 लाख रुपया के विभिन्न विकास कार्य स्वीकृत करे गे हें। ओमन तुलसाघाटवासियों के मांग म मनियारी नदी म पुल बनाए के आश्वासन घलो दिन। ओमन ह लोरमी नगर पालिका के वार्ड-15 म निर्माणाधीन सतनाम भवन के जायजा लेके अधिकारी मन ल समय म कार्य पूर्ण करे के निर्देश दिस।
उप मुख्यमंत्री अरुण साव ह लोरमी हाईस्कूल मैदान म 44 लाख रुपया के विभिन्न विकास कार्य के भूमिपूजन करिन। ओमन ह कहिन कि स्कूल म 25 लाख रुपया ले अधिक के लागत ले बाउंड्रीवाल के निर्माण करे जाहि। शहर के खिलाड़ि मन के सुविधा बर 19 लाख रुपया के लागत ले अच्छा रोशनी के व्यवस्था करे जाहि। लाइट लगने ले मैदान म रात म घलो विविध धार्मिक अउ सामाजिक आयोजन हो सकहि। ओमन ह बतायिन कि राज्य शासन ह लोरमी शहर के विकास बर पिछला एक बछर म 53 करोड़ रुपया मंजूर करिन हें।
उप मुख्यमंत्री साव अपन लोरमी प्रवास के बेर सरस्वती शिशु मंदिर पूर्व माध्यमिक शाला झाफल के वार्षिकोत्सव म शामिल होइन। ओमन ह उहें सांस्कृतिक मंच के लोकार्पण घलो करिन। ओमन ह सरस्वती शिशु मंदिर स्कूल बर दस लाख रुपया अउ झाफल गंगा नगर म नवधा रामायण मंच निर्माण बर पांच लाख रुपया देय के घोषणा करिन। साव दशरथलाल अमरीका बाई आदर्श उच्च माध्यमिक विद्यालय बंधवा म युवा सम्मान अउ वार्षिकोत्सव म घलो शामिल होइन। ओमन ह प्रतियोगी परीक्षा म चयनित प्रतिभाशाली युवा मन ल सम्मानित करके बधाई अउ शुभकामनाएं दिंन। ओमन ह कार्यक्रम म एकलव्य स्कूल ले दशरथलाल स्कूल तक सीसी रोड निर्माण अउ स्वेच्छानुदान ले राशि देय के घोषणा करिन।
