राष्ट्रीय युवा दिवस कार्यक्रम म शामिल होइन उप मुख्यमंत्री, कहिन- युवा अपन ऊर्जा, साहस अउ आत्मविश्वास ले समाज के विकास म देत हे योगदान
रायपुर। उप मुख्यमंत्री अरुण साव आज नारायणपुर म रामकृष्ण मिशन आश्रम म आयोजित राष्ट्रीय युवा दिवस कार्यक्रम म शामिल होइस। ओ मन ह मुख्य अतिथि के रूप म कार्यक्रम ल संबोधित करत कहिन कि युवा मन ल आघु बढ़ाए बर राज्य सरकार हरसंभव सहयोग करत हे। युवा मन के अच्छी शिक्षा बर नारायणपुर जिला के अंदरूनी क्षेत्र म स्वामी विवेकानंद रामकृष्ण मिशन आश्रम संचालित करे जात हे, जिहां शिक्षा के संग- संग भारतीय संस्कृति अउ समाज के उत्थान के कार्य होवत हे। ओमन ह कहिन कि स्वामी विवेकानंद ह अपन कुशाग्र बुद्धि ले भारतीय दर्शन अउ संस्कृति ल देश-विदेश म प्रतिष्ठित करिन। ओ मन ह भारत के प्रतिनिधित्व करत 9 सितम्बर 1893 म शिकागो के धर्मसभा म जेन संबोधन दिन, ओ अविस्मरणीय हे। वन मंत्री केदार कश्यप अउ रामकृष्ण मिशन आश्रम के सचिव स्वामी व्याप्तानंद महाराज घलो कार्यक्रम म शामिल होइस।
उप मुख्यमंत्री अरुण साव ह कार्यक्रम म कहिन कि रामकृष्ण मिशन आश्रम ह क्षेत्र म जेन विभिन्न गतिविधी अउ सामाजिक उत्थान के कार्य संचालित करत हे, वो अनुकरणीय हे। लइका मन ल शिक्षा के संग आत्मनिर्भर बनाए बर कलात्मक दृष्टि ले प्रशिक्षण देय जात हे। ओमन ह लइका अउ युवा मन ल प्रेरित करत कहिन कि असफलता ले कभु निराश होए के जरूरत नइ हे। युवा मन ल सकारात्मक ऊर्जा, साहस अउ आत्मविश्वास के संग भयमुक्त होके आघु बढ़ना चाहि।
वन मंत्री केदार कश्यप ह कार्यक्रम ल संबोधित करत कहिन कि युवा स्वामी विवेकानंद के जीवन के अनुसरण करके अपन जीवन ल सफल बनाएं। मनुष्य के दिल म देश अउ मातृभूमि के प्रति हमेशा सम्मान के भावना होना चाहि। परिश्रम ही अच्छा जीवन प्राप्त करे के साधन हे। ओमन ह भगवान बिरसा मुण्डा अउ स्वतंत्रता सेनानी मन के जिक्र करत उखर बताए मार्ग म चलके समाज ल आघु बढ़ाए के आग्रह करिन।
रामकृष्ण मिशन आश्रम के सचिव स्वामी व्याप्तानंद महाराज ह कार्यक्रम म कहिन कि आज पूरा देश युवा मन के संग खड़े हे। नारायणपुर म रामकृष्ण मिशन 1984 ले काम करत हे। अबूझमाड़ के लोगन मन के बेहतर स्वास्थ्य अउ शिक्षा बर ए आश्रम के स्थापना होइन हे। इहां के लइका मन आश्रम म पढ़ाई करके सफल होके समाज म अमूल्य योगदान देवत हे। कलेक्टर प्रतिष्ठा ममगाई, पुलिस अधीक्षक प्रभात कुमार, जिला पंचायत के सीईओ वासु जैन अउ स्वामी अनुभवानंद सहित जनप्रतिनिधि, गणमान्य नागरिक अउ छात्र-छात्रा मन बड़का संख्या म कार्यक्रम म मौजूद रहिन।
