उपमुख्यमंत्री विजय शर्मा ह प्रदेश के पहिला सड़क सुरक्षा अनुभव कक्ष के करिन शुभारंभ, जनता ल जागरूक करे बर करे जाहि प्रयास
रायपुर। प्रदेश के उपमुख्यमंत्री विजय शर्मा ह आज परिवहन कार्यालय, कबीरधाम म राज्य के पहिला सड़क सुरक्षा अनुभव कक्ष के उद्घाटन करिन। ओहा कहिन कि ए कक्ष मुख्यमंत्री विष्णुदेव साय के नेतृत्व म राज्य म सड़क सुरक्षा के प्रति जागरूक करे बर करे जात प्रयास के एक कड़ी हे। ओहा किहिन कि कबीरधाम जिला प्रदेश के पहिला जिला हे, जिहां अइसने प्रकार के अनुभव कक्ष स्थापित करे गे हे। ए उद्घाटन समारोह म उपमुख्यमंत्री विजय शर्मा ह कक्ष के जम्मों पहलु के अवलोकन करिन अउ एखर कार्यप्रणाली बर विस्तार ले जानकारी लिस। सड़क सुरक्षा अनुभव कक्ष के उद्देश्य नागरीक म सड़क सुरक्षा बर जागरूकता बढ़ाना हे। ए कक्ष म विभिन्न प्रकार के सड़क सुरक्षा संबंधित जानकारी अउ सामग्री प्रस्तुत करे गे हे, जेमा ले वाहन चालक मन ल दुर्घटना ले बचे के उपाय, ट्रैफिक नियम के पालन अउ सुरक्षित ड्राइविंग के बारे म बताए गिस हे। कक्ष म विभिन्न वर्चुअल अनुभव, वीडियो अउ मॉडल के जरिया सड़क सुरक्षा ल समझे के एक आकर्षक तरीका अपनाए गिस।
उपमुख्यमंत्री विजय शर्मा ह अपन संबोधन म कहिन कि बचपन ले हमन ल सही अउ गलत के भेद सिखाय जाथे। माता के भूमिका लइका के जीवन के उचित अउ अनुचित कार्य के प्रति जागरूक करे म महत्वपूर्ण होथे। अइसने ही ए सत्र समाज म सुरक्षा अउ नियम के प्रति एक सकारात्मक सोच विकसित करही। ओहा कार्यक्रम के सफल क्रियान्वयन के शुभकामनाएं देवत कहिन कि ए प्रक्रिया ल निरंतर जारी रखे जाए, ताकि सब्बो व्यक्ति सड़क सुरक्षा के प्रति जागरूक हो सकय। उपमुख्यमंत्री शर्मा ह सड़क सुरक्षा अनुभव कक्ष के शुभारंभ म कहिन कि अब ड्राइविंग लाइसेंस बनाइया व्यक्ति मन ल एक विशेष ऑडियो, वीडियो सत्र से गुजरना होही। ए सत्र आवेदनकर्ता मन ल ट्रैफिक नियम अउ सड़क सुरक्षा बर जागरूक करे के उद्देश्य ले शुरू करे गे हे।
उपमुख्यमंत्री शर्मा ह कहिन कि ए प्रक्रिया के उद्देश्य ये सुनिश्चित करना हे कि प्रत्येक व्यक्ति ट्रैफिक नियम, चालान प्रक्रिया अउ सुरक्षित वाहन संचालन के महत्व ल गहराई ले समझे। ऑडियो, वीडियो सत्र पूरा करे के बाद प्रतिभागी एक प्रमाण पत्र प्रदान करे जाहि। ये प्रमाण पत्र ये दर्शाहि कि ओहा सड़क सुरक्षा के नियम ल समझ ले हे। ए सत्र लोगन ल सड़क म सही निर्णय ले बर अउ सुरक्षा उपाय ल प्राथमिकता दे बर प्रेरित करही। एखर ले न केवल ट्रैफिक नियम के पालन म सुधार होही, बल्कि सड़क दुर्घटना के संख्या म घलो कमी आही।
उपमुख्यमंत्री ह कहिन कि विभागीय प्रक्रिय म पारदर्शिता अउ जागरूकता बढ़ाए बर ए कदम उठाय गिस। ए सुनिश्चित करही कि ड्राइविंग लाइसेंस प्राप्त करइया हर व्यक्ति सड़क म जिम्मेदारी ले वाहन चलाए। संपूर्ण छत्तीसगढ़ म इस प्रक्रिया के शुरुआत कवर्धा ले करे गिस।अउ एला पूरा राज्य म लागू करे जाहि, ताकि ज्यादा ले ज्यादा लोगन ल एखर लाभ मिलय।
उपमुख्यमंत्री शर्मा के समक्ष ओ बेरा कार्यालय म लाईसेंस बनवाए बर आए नागरिक मन ह घलो सड़क सुरक्षा अनुभव कक्ष के अवलोकन करिन अउ उहां उपलब्ध जानकारी के लाभ लिस। ओहा कहिन कि ए कक्ष के स्थापना ले न केवल स्थानीय नागरिक मन ल सड़क सुरक्षा के प्रति जागरूकता मिलही। बल्कि ए उद्घाटन ले कबीरधाम जिला एक कदम अउ आगे बाढ़ही
