न्याय बर अपन चार लईका संग धरना म बईठ गे महतारी बाबू , कहात हे अब नई जीयन

दीपक बावनकर@रायपुर देवक कुमार पाटिल अपन बाई राजकुमारी अउ चार लइका संग बलौदा बाजार के कोहरौद गांव म रहत रिहिस, सरकारी जमीन म एक ठन कुरिया बना के देवक ह जइसे बहुत बड़े गुनाह कर डारीस, इस गांव के सरपंच ह ओखर मकान तोड़ दीस अउ ओखर संग मारपीट घलो करिस। गांव में घर ले बेघर हो चुके देवक के सामने अतेक बड़ परिवार के पालन-पोषण के समस्या तो रिहिस संगे संग सरपंच के आतंक ले ओखर जीवन दूभर हो गे।

जेन जगह म वो ह घर बनाए रिहिस वो जमीन सरकारी रिहिस सरपंच चारागाह बनाए के नाम लेकर ओला बेदखल कर दीस। आज भारत के प्रधानमंत्री ले न्याय के गुहार मांगत देवक अपन पूरा परिवार ल ले के राजधानी म धरना म बइठ गे हे , ओखर कहना हे कि या तो मोला न्याय दो नई त मरे के अनुमति।