जय जोहार…. मुख्यमंत्री भूपेश बघेल ह छत्तीसगढ़ सरकार के सुराजी गांव योजना के प्रमुख घटक गरुवा के अंतर्गत गांव म निर्मित गौठान ल ग्रामीण मन के स्व रोजगार अऊ अजीविका केंद्र के रूप म विकसित करे म जोर दे हे। वो हा कहिन कि गौठान म स्व रोजगार संबंधी गतिविधि मन के संचालन कर ग्रामीण अर्थव्यवस्था ल बेहतर बनाना चाही।
महिला स्व सहायता समूह के माध्यम ले निर्मित अऊ उत्पादित सामग्री के मार्केटिंग के व्यवस्था ल सुनिश्चित करे जाना चाही। गौठान म पौधरोपण के संगेसंग ओखर निचले हिस्सा म तालाब का निर्माण करे जाए। गौठान के एरिया म ही मत्स्य पालन, पोल्ट्री अऊ बकरी पालन के गतिविधि ल घलो शुरू कराए जाना चाही।
बइठक म कृषि अऊ पशुपालन मंत्री रविंद्र चौबे, मुख्य सचिव आरपी मंडल, मुख्यमंत्री के अपर मुख्य सचिव सुब्रत साहू, कृषि उत्पादन आयुक्त मनिंदर कौर द्विवेदी, मुख्यमंत्री के अपर सचिव सौम्या चौरसिया आदि उपस्थित रहिस।
No Comment! Be the first one.