डीजीपी डीएम अवस्थी ह वीडियो कांफ्रेंसिंग ले नक्सल अभियान के करिन समीक्षा

जय जोहार…. डीजीपी डीएम अवस्थी ह आज वीडियो कांफ्रेंसिंग ले नक्सल अभियान के समीक्षा करिन। ए अवसर पर डीजीपी अवस्थी ह नक्सल प्रभावित जिला के एसपी ल आवश्यक निर्देश दिस। डीजीपी ह कहिन कि नक्सली मन के मदद करइया म कड़ी कार्रवाई करे।  एखर संगेसंग इंटेलीजेंस इनपुट के आधार म रणनीति बना के आपरेशन चलाय जाय। बता देन कि ए समीक्षा बइठक म एडीजी अशोक जुनेजा, आईजी आनंद छाबड़ा समेत आला अधिकारी मौजूद रहिन।

बइठक के बाद डीजीपी अवस्थी ह बताइस कि नक्सल अभियान के रिव्यू करे गे हे कि ए साल का-का होय हे अऊ आगू का अभियान चलाय जाय। बइठक के मुख्य मुद्दा ह रहिस कि जेन नक्सली मन के समर्थन करइया हे, जइसे कांकेर म एक घटना होय हे, जिहां लोगन मन ह पकड़े गे हे, त सब्बो पुलिस अधीक्षक मन ल केहे गे हे कि नक्सल के सप्लाई चेन हे, जेन ह शहरी नेटवर्क हे, ओमा कड़ी कार्रवाई करे जाय।