जय जोहार…. लॉकडाउन म घलो चौराहा मन म भीड़ जमा कर चेकिंग अऊ चालानी कार्रवाई करे ल लेके लोग मन म नाराजगी रहिस। एखर बर जनप्रतिनिधि तक मोर्चा खोलत रहिस। सरलघा एला लेके शिकायत होवत रहिस। लोग मन के शिकायत अऊ नाराजगी के असर ये होय हे कि शहर के अंदर चौराहा मन म चेकिंग पाइंट बना के ट्रैफिक पुलिस के ओर से करे जात चालानी कार्रवाई म डीजीपी डीएम अवस्थी ह तत्काल प्रभाव ले रोक लगा दे हे।
डीजीपी ह सबो पुलिस अधीक्षक मन ल निर्देश जारी करत हुए कहिन कि जरूरी सामान बर घर ले निकलइया लोग मन ल रोक के हेलमेट, गाड़ी के कागजात ल चेक कर चालान न करे जाए, लोग वइसे ही लॉकडाउन ले कष्ट म हे। अईसे म ओ मन ल चालानी कार्रवाई के नाम म परेशान न करे जाए। संगेसंग डीजीपी ह ये घलो कहिन कि जेन लोग लॉकडाउन के उल्लंघन करत हे, बिना वजह ले घूमत हे, जेन गाड़ी ल बिना कारण ले दौड़ावत हे, ओखर खिलाफ कार्रवाई ल जारी रखही।
