chhattisgarh: डीजीपी ह लीन वीडियो कांफ्रेंसिंग ले सबो आईजी अऊ एसपी के बइठक, महिला मन ले संबंधित प्रकरण के करिन समीक्षा

जय जोहार…. (chhattisgarh) डीजीपी डीएम अवस्थी ह सोमवार के पुलिस मुख्यालय म वीडियो कांफ्रेंसिंग ले प्रदेश के सबो पुलिस महानिरीक्षक अऊ पुलिस अधीक्षक मन के बइठक ले हे। ए बइठक म डीजीपी अवस्थी ह महिला मन ले संबंधित प्रकरण के समीक्षा करिन।

(chhattisgarh) डीजीपी ह सबो पुलिस अधीक्षक मन ल निर्देशित करे हे कि महिला मन ले संबंधित अपराध म तुरंत कार्रवाई करे, अईसे प्रकरण म विलम्ब बर्दास्त नई करे जाही। महिला मन ले संबंधित प्रकरण घटना म विभागीय जांच म उप पुलिस अधीक्षक स्तर के अधिकारी ह जांच करे।

डीजीपी ह कहिन कि अईसे मामला म निरीक्षक, उपनिरीक्षक, प्रधान आरक्षक, आरक्षक के भरोसा म नई रहना चाही। (chhattisgarh) महिला मन ले संबंधित अपराध म नियंत्रण बर जिलावार मेकेनिजम बनाय जाए। ताकि घटना के समीक्षा ह जल्दी हो सके।