corona: धमतरी के भठेली म फेर मिले हे कोरोना पाजिटिव, बीएमओ ह करिन पुष्टि

जय जोहार…. धमतरी जिला म कोरोना (corona) संक्रमित मन के संख्या ह कम होय के नाम नई लेवत हे। जिला के नगर पंचायत भखारा म सनिच्चर के फेर कोरोना के एक अउ नवा मरीज मिले हे। एखर पुष्टि कुरुद बीएमओ डॉ नवरत्न ह करे हे।

जानकारी के मुताबिक (dhamtari) नगर पंचायत भखारा म शुक्रवार के एक ही परिवार के पांच लोगन मन ह कोरोना (corona) संक्रमित मिले रहिस, जेमा काम करइया दू नौकरानी घलो रहिस।

आज ए परिवार के इहां काम करइया ए अउ नौकरानी घलो कोरोना पाजिटिव मिले हे। जेन ह भठेली के वार्ड क्रमांक 12 के रहवइया हे।
ओखर सैंपल ले के कोरोना जांच बर भेजे गे रहिस, जेखर रिपोर्ट ह आज (corona) पाजिटिव आय हे। एखर जानकारी मिले के बाद (dhamtari) स्वास्थ्य विभाग के टीम ह मउके म पहुंच गे हे।