फिल्मी स्टाईल म जेल के परदा ल कूदके भाग गे विचाराधीन कैदी

धमतरी। जिला जेल ले एक झन विचारधीन कैदी ह परदा ल कूदके भाग गे। कैदी के भागे ले जेल प्रसासन सकते में हे, उंहे सूचना मिले के बाद एडिशनल एसपी केपी चंदेल, डीएसपी पंकज पटेल समेत पुलिस अउ जिला प्रसासन के आला अधिकारी मौका म पहुंच के मामला के जांच म जुटिन हे।

बतात हे कि अभनपुर इलाका के डोंडरा गांव के रहवईया इतवारी साहू उर्फ इतवारी सिंह (21 साल) ल मारपीट अउ चाकूबाजी के आरोप म ओखर दू झन साथी के साथ गिरफ्तार करे रहीस, जेजा न्यायालय म पेश करे के बाद 2 फरवरी के जिला जेल म दाखिल करे गिस। इतवारी के मामला ह न्यायालय म विचाराधीन हे।