corona: धरसींवा विधायक अनिता योगेंद्र शर्मा ल कोरोना, ट्वीट कर खुद दे हे जानकारी

जय जोहार…. धरसींवा विधायक अनिता योगेंद्र शर्मा के कोराना (corona) रिपोर्ट ह पाजिटिव आय हे। विधायक ह खुद ट्वीट कर एखर जानकारी दे हे।

अपन ट्वीट म विधायक अनिता शर्मा ह लिखे हे कि स्वास्थ्य ह ठीक नई होय के सती मे हा अपन कोरोना (corona) जांच करवाय रहेव, जेखर रिपोर्ट ह पाजिटिव आय हे।

मे हा आप सबो लोगन, पार्टी के पदाधिकारी अऊ कार्यकर्ता मन ले अपील करत हों कि पिछिले दिनों मोर संपर्क म जेन घलो आय हे, ओ हा टेस्ट करवा ले।

बता दन कि एखर पहिले बिन्द्रानवागढ़ विधायक डमरूधर पुजारी, बिलासपुर विधायक शैलेष पाण्डेय अऊ बेमेतरा विधायक आशीष छाबड़ा ह कोरोना (corona) ले संक्रमित हो चुके हे। सबले पहिले डमरूधर पुजारी ह विधानसभा सत्र के आखिरी दिन कोरोना पाजिटिव मिले रहिस।