Corona: डीआईजी ल कोरोना, एसआईबी बिल्डिंग हो गे सील

जय जोहार…. प्रदेश म कोरोना (corona) के मामला ह कम होय के नाम नई लेवत हे। राज्य म बड़का संख्या म पुलिस कर्मी समेत सुरक्षा बल के जवान ह कोरोना संक्रमित पाय गे हे। राजधानी म डीआईजी ह कोरोना (corona) के चपेट म आ गे हे। एखर बाद एसआईबी बिल्डिंग ल सील कर दे गे हे।
बता देन कि डीआईजी ह 16 तारीख के अपन पत्नी अउ बेटी के संग इलाहाबाद ले लहुटे हे। इलाहाबाद ले लहुटने के बाद ओखर पत्नी अउ बेटी ह होम क्वारेंटाइन म रिहिस।
बता देन कि प्रदेश म इतवार के कोरोना (corona) के 159 नवा मामला मिले हे। एखर संग कोरोना संक्रमित मरीज मन के संख्या ह 5407 पहुंच गे हे। जेमा ले 1608 एक्टिव केस हे। उहचे 3775 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 24 लोगन मन के मौत हो गे हे।