Chhallywood: शशी रंगीला के सुरमयी आवाज म अज्जु चौहान अऊ नग्मा के अदाकारी, युवा निर्देशक दीपक कुर्रे के नवा पेशकश

जय जोहार…. (Chhallywood) कलाकार अज्जु चौहान अऊ नग्मा अभिनीत एक गीत आजकल सब्बो के जबान म हे, ये गीत के बोल हावे मटमटही टुरी जेखर वीडियो के फिल्मांकन निमोरा गांव म करे गिस हे,

(Chhallywood) गीत के कोरियोग्राफर चन्दनदीप हे जेन ह ये गीत म नवा प्रयोग करे हे जेमा ओमन ह साउथ स्टाइल के डांस स्टेप कराए हे, डायरेक्टर दीपक कुर्रे ह किहिस कि ओमन ह अंचल के नवा नवा प्रतिभा ल मौका देवत हे ताकि ओमन ल एक प्लेटफार्म मिल सके,

बता दन कि ये गीत म अभिनय करैया अज्जु चौहान ह किहिस कि ये गीत के बोल बहुत सुंदर हे (Chhallywood) अऊ एखर वीडियो ल दर्शक मन जरुर पसंद करही, एमा कैमरा संचालन टीम म दीपक बावनकर के संग टामेश देव,राहुल साहू,रितेश चौहान मन निर्देशक दीपक कुर्रे के मार्गदर्शन म काम करत हे।