अपन किडनी ला बेचे बर विज्ञापन दे हे किसान… वो कहां के आय अउ का हे मजबूरी?

आगरा। उत्तर प्रदेस के एक मजबूर किसान हा सोसल मीडिया म उजन विज्ञापन दे हे, तेकर ले प्रसासन म हड़कंप मच गे हे। ये किसान हा कर्जा ले परेसान होके अपन किडनी ला बेचे के फैसला करे हे।

सोसल मीडिया म दिए विज्ञापन म किसान हा बताए हे कि तीन साल ले लगातार खेती म घाटा होवत हे, अउ बैंक के कर्जा में बूड़ गे हे। कर्जा ले मुक्ति पाए बर वो हा अपन किडनी ला बेचना चाहथे।

पीड़ित किसान के नाम गीतम सिंह हे। जउन हो फतेहाबाद तहसील के घाघपुरा गांव के निवासी हें। बताए गे हे कि पीड़ित किसान के ऊपर 20 लाख रुपए ले जादा के कर्जा हे। अउ ये कर्जा ला चुकाए बर ओकर ऊपर भारी दबाव बनाय जात हे।

जेकर कारण मजबूर किसान हा ये फैसला करे हे। बताए गे हे कि किसान के ये फैसला के बाद प्रसासन ओकर मदद बर हाथ आगू बढ़ावत हे।