कोरोना ले बचाव बर प्रवासी श्रमिक मन ल आयुर्वेद औषधि अऊ काढ़ा वितरित

जय जोहार…. भाटापारा रेलवे स्टेशन म विशेष रेलगाड़ी ले उतरइया श्रमिक मन ल शरीर के रोग प्रतिरोधक क्षमता ल बढ़ाये बर आयुर्वेद औषधि अऊ काढ़ा पिलाये जावत हे। आयुष विभाग के तरफ ले स्टेशन के निकासी द्वार म विशेष स्टाल ल लगाय गे हे। जिहां श्रमिक मन ल काढ़ा पिलाये के संगेसंग करीब महिना भर के काढ़ा बनाय के औषधि घलो प्रदान करे जावत हे। बलौदाबाजार-भाटापारा कलेक्टर कार्तिकेय गोयल अऊ पुलिस अधीक्षक प्रशांत ठाकुर ह घलो रेलवे स्टेशन म काढ़ा पीया। वो हा कोरोना ले बचाव बर इम्युनिटी बढ़ाये बर सब्बो लोगन मन ल काढ़ा पीये के सलाह दे हे।

आयुष विभाग के डॉ. भैना के नेतृत्व म आयुर्वेद विभीग के टीम ह ए काम म सेवाभाव ले जुटे हुये हे। डॉ. भैना ह बताइस कि पिछिले तीन दिन म हजारों श्रमिक मन ल काढ़ा पिलाये जा चुके हे। कलेक्टर ह स्टेशन म उतरइया हर श्रमिक ल काढ़ा के औषधि वितरित करे के निर्देश दे हे। श्रमिक मन ल एखर सेवन विधि घलो सरल भाषा म समझाये जावत हे।