ए संस्थान  ह प्रतियोगी पुस्तक बांट के युवा मन के करिस हउसला अफजाई

चरामेति फाउंडेशन अउ आकाश एजुकेशन सर्विसेस के संयुक्त कार्यक्रम

रायपुर। चरामेति फाउंडेशन ह आकाश एजुकेशन सर्विसेस प्रा. लि. के सहयोग ले नीट, एम्स, जे ई ई( मेन्स एवं एडवांस), एम्बीशंस कोर्स फोर नीट, क्रेश कोर्स फोर जेईई आदि प्रतियोगी परीक्षा मन ले संबंधित करीबन 50 ले जादा पुस्तक आरटीई के तहत भर्ती गरीब अउ प्रतिभावान छात्र मन ल बांटिस हे। सुन्दर नगर के मदर्स प्राईड हायर सेकेंडरी स्कूल म छात्र मन के उपयोगार्थ पुस्तक ल कमल अग्रवाल, विकास श्रीवास्तव, प्रकाश कोटक, आर के दानी, राजेंद्र ओझा, सुधीर शर्मा, सी एस रधुनाथन आदि मन के सहयोग अउ उपस्थिति म  वितरित करे गिस।

    चरामेति फाउंडेशन के महासचिव राजेंद्र ओझा ह बताइस के, संस्था  ह हर बरिस प्रतियोगी परीक्षा मन  म उपयोगी पुस्तक मन ल विभिन्न विद्यालय मन म वितरित करथे। ए संबंध म    विद्यालय के छात्र मुस्कान कंदेलकर  ह  बताइस के, चरामेति फाउंडेशन ह पाछू बरिस दे गे  पुस्तक मन ले उमन ह वार्षिक के संगे-संग प्रतियोगी परीक्षा मन के तइयारी करे म काफी मदद मिलिस हे।

ए बेरा म  विद्यालय के प्राचार्य डा. ए. के. त्रिपाठी ह चरामेति फाउंडेशन के कार्य मन के सराहना करत हुए संस्था के प्रति आभार प्रकट करिन। कार्यक्रम म शाला के शिक्षक  अश्वनी,  वलेश अउ छात्र मन म  हीना सिन्हा, लक्ष्मी ठाकुर, लोचन साहू,अयान बासु आदि मन समेत  अब्बडडकन  छात्र उपस्थित रहिस हे।