Raipur: ग्रीन आर्मी अऊ गुरुकुल महिला महाविद्यालय ह करिन मास्क अऊ काढ़ा के वितरण
जय जोहार…. (Raipur) ग्रीन आर्मी चंगोराभाठा जोन अऊ गुरुकुल महिला महाविद्यालय के राष्ट्रीय सेवा योजना इकाई के संयुक्त तत्वावधान म चंगोराभाठा, रायपुरा अऊ महादेवघाट के चौक-चौराहा म मास्क अऊ काढ़ा के वितरण करे गे हे।
एखर संगेसंग कोविड-19 महामारी बर जागरूकता अभियान घलो चलाये गे हे। ए दौरान चंगोराभाठा महादेवा तालाब म लईका मन ल कोरोना ले अपन ल सुरक्षित रखे बर मास्क, हैंडवाश, सोशल डिस्टेंस के महत्व के बारे म बतइस।
(Raipur) ग्रीन आर्मी के सदस्य अऊ एनएसएस वालिंटियर मन ह रिक्शा चालक, ट्रैफिक पुलिस, सफाई कर्मी अऊ आम लोगन मन ल काढ़ा के वितरण करिन। संगेसंग लोगन मन ल समझाइश देवत हुये कहिन कि कोविड 19 महामारी ले अपन संग दूसर ल बचाय बर मास्क पहनना अनिवार्य हे।
ए अभियान म स्पर्श एक सामाजिक अऊ शैक्षणिक संस्था, जेसीआई संगवारी, सहयोग स्पर्श वेयलफेयर सोसाइटी, लोकरंजनी लोककला मंच रायपुर, हरयाली वेलफेयर सोसाइटी ह शामिल होइस।
(Raipur) ए कार्यक्रम म ग्रीन आर्मी चंगोराभाठा जोन के अध्यक्ष डॉक्टर पुरुषोत्तम चंद्राकर , सचिव चंद्रकांत देवांगन, वाइस प्रेसिडेंट कविता कुम्भज, पद्मिनी वर्मा, पुनीता चंद्रा, आकाश कुशवाहा ,वैभव कांत दुबे, राहुल कुम्भज, गुरुकुल महिला महाविद्यालय के कार्यक्रम अधिकारी अऊ यूथ विंग चेयरमैन श्रीमती रात्रि लहरी एनएसएस वॉलिंटियर्स स्नेहा नानवानी, भूमिका यादव, काजल दुबे, छनि साहू, प्रीति बुलवानी, रिंकी रॉय अऊ खिलेश्वरी यादव के सहयोग ले ये जागरूकता कार्यक्रम होय हे।
