mla विकास उपाध्याय ह करिन महादेव घाट म नौका विहार करवईया ल सुरक्षा किट के वितरण

जय जोहार…. रायपुर पश्चिम विधानसभा के विधायक (mla) विकास उपाध्याय ह नौका विहार करवईया केवट समाज के लोगन मन ल लाइफ जैकेट अउ ट्यूब के वितरण करे हे। एखर वितरण ल विधायक उपाध्याय ह मुख्यमंत्री भूपेश बघेल के निर्देश म करे हे।
ए मऊका म विधायक (mla) उपाध्याय ह कहिन कि महादेव घाट, रायपुरा म हटकेश्वर महादेव के प्राचीन अउ एतिहासिक मंदिर हे, इहां स्थानीय रहवइया निषाद अउ केवट समाज के लोग ह नदी म लोगन मन ल सरलघा नौका विहार करावत आवत हे। नौका विहार कराय ले एखर मन के कई वर्ष ले जीवन यापन होवत आय हे। ये मनोरंजन घलो करवात हे।
विधायक (mla) उपाध्याय ह कहिन कि एखर अउ लोगन मन के सुरक्षा के मद्देनजर लाइफ जैकेट अउ ट्यूब के वितरण करे गे हे। इहां 40 ले जियादा नौका चलाइया लोग हे, जेन नदी म नौका विहार करत हे।

ओ मन ल मदद घलो मिलही। ये व्यवस्था ह पर्यटक मन बर घलो हे, क्योंकि जेन चालक हे, वे तैरना जानत हे, लेकिन पर्यटक ह नई जानत हे, एखर सती एक-एक नाव म दू-दू ट्यूब दे गे हे। लाइफ जैकेट ल ओखर सुरक्षा ह घलो होही।