ग्रामीण मन ल करे गिस सेनिटाइजर, मास्क अऊ गमछा के वितरण
जय जोहार…. सीआरपीएफ 65वीं बटालियन के तरफ ले आज डी/65 दर्रीपारा के जिम्मेदारी इलाका आमागांव म सिविल एक्शन कार्यक्रम के आयोजन करे गिस। ए कार्यक्रम म गरियाबंद के नक्सल प्रभावित क्षेत्र आमागांव, कोसमी, बोइरगांव, मर्दाडीह, अंदोरा, कचरापारा, चिपरी, बमकादूनी, खरता समेत आन गांव के ग्रामवासी, लईका, सियान, महिला अऊ किसान मन ल स्टील घड़ा, फावड़ा, कंबल, कपड़े, साड़ी आदि सामान के वितरण करे गिस।
ए कार्यक्रम के खाती शासकीय पूर्व माध्यमिक शाला परिसर आमागांव म सांस्कृतिक मंच के निर्माण करे गिस। जेखर लोकार्पण कार्यक्रम के मुख्य अतिथि प्रकाश डी (आईपीएस) पुलिस महानिरीक्षक छत्तीसगढ़ सेक्टर सीआरपीएफ के तरफ ले गिस। ए अवसर पर सुब्रत कुमार मिश्र पुलिस महानिरीक्षक रेंज रायपुर सीआरपीएफ अऊ देवेंद्र नाथ यादव कमांडेंट 65वीं बटालियन उपस्थित रहिस। ए कार्यक्रम म मास्क, गमछा, सेनिटाइजर, साबुन के घलो वितरण करे गिस।
ए अवसर म पुलिस अधीक्षक भोजराम पटेल, अतिरिक्त पुलिस अधीक्षक सुखनंदन राठौर, एसडीओ मैनपुर रूपेश कुमार डांडे, सरपंच विश्वनाथ ध्रुव, उप कमांडेंट संतोष चौहान, सहायक कमांडेंट अंकित कुमार, सहायक कमांडेंट आरवीपी सिंह, सहायक कमांडेंट विनायगन के उपस्थित रहिस।
