जिला सीईओ ह दूर्गकोन्दल म होवत विकास कार्य के करीन निरीक्षण, आवास निर्माण, समूह के रोजगमूलक गतिविधियों अउ निर्माण कार्य के लिन जानकारी
कांकेर। कलेक्टर नीलेश कुमार महादेव क्षीरसागर के निर्देशानुसार जिला पंचायत के मुख्य कार्यपालन अधिकारी हरेश मण्डावी ह जिला का सुदूर ब्लॉक दुर्गुकोन्दल म शासन के संचालित विभिन्न महत्वाकांक्षी योजना के अउ निर्माण कार्ये के क्रियान्वयन के निरीक्षण करिन।
निरीक्षण के बेर ओ हा राष्ट्रीय ग्रामीण आजीविका मिशन बिहान ले जुड़े स्व सहायता समूह के महिला मन के द्वारा करे जात आजीविका गतिविधी के अवलोकन करिन जेमा ग्राम पंचायत सुरूगदोह के मां ज्याला स्व-सहायता समूह के महिला के सदस्य उमेश्वरी धाकड़े के संचालित दुकान, मुर्गीपालन अउ बी.सी. सखी सतिला राना ह बैंकिग, ऑनलाईन सेवाएं अउ वित्तीय साक्षरता ले संबंधित गतिविधी के अवलोकन करिन। अइसने ही ग्राम पंचायत कोडेकुर्से के शीतला स्व-सहायता समूह के सदस्य के संचालित हार्डवेयर अउ किराना दुकान के अवलोकन करिन अउ जानकारी लिन अउ अन्य विभाग के संग अभिसरण के माध्यम ले लखपति दीदी बने बर प्रोत्साहित करिन कोडेकुर्से म पीएम श्री स्कूल के निरीक्षण घलो करिन।
अइसने दुर्गुकोन्दल ब्लॉक मुख्यालय म मावा मोदौल कार्यक्रम के तहत स्वीकृत लाईब्रेरी के निरीक्षण करिन। बता दन कि एखर ले स्थानीय छात्र-छात्र मन ल विभिन्न ज्ञानवर्धक पुस्तक, प्रतियोगी परीक्षा के तैयारी करइया जम्मों विषय के किताब एक्के जगह म प्राप्त हो सकही। ए लाईब्रेरी ज्ञान, शिक्षा अउ सांस्कृतिक विकास के एक महत्वपूर्ण केन्द्र होही। जिला पंचायत सीईओ ह मावा मोदोल लाईब्रेरी के कार्य जल्द ले जल्द पूर्ण करे के निर्देश संबंधित अधिकारी ल दिन। अइसने ही प्रधानमंत्री आवास योजना के तहत् स्वीकृत आवास के संबंध म जानकारी लिन. जेमा जनपद सीईओ दूर्गुकोदल ह बताइन कि आवास नींव स्तर म 17, प्लींध स्तर म 7, लिंटल स्तर म 10 अउ अप्रारंभ 6 हे जेमा मंडावी ह अप्रारंभ आवास ल प्रारंभ करे के निर्देश दिस। इही क्रम म जाडेकुर्से म वाटरशेड के कार्य के अवलोकन बर हितग्राही शांतिलाल जाड़े के डबरी के निरीक्षण करिन अउ किसान मन ले चर्चा करके प्रोत्साहित करिन। निरीक्षण के बेर एस.डीओ आर.ई.एस., उप अभियंता आर. ई. एस. अउ जिला अउ जनपद पंचायत से अधिकारी मन उपस्थित रहिन।
