जिला पंचायत सीईओ सहित अन्य अधिकारी, कर्मचारी अउ स्वच्छाग्राही महिला मन ह निभाईन सहभागिता

बालोद। कलेक्टर इन्द्रजीत सिंह चन्द्रवाल के मार्गदर्शन म आज जिला के गुरुर विकासखंड के पयर्टन स्थल ओनाकोना म स्वच्छता अभियान चलाए गिस। जेमा जिला पंचायत के मुख्य कार्यपालन अधिकारी डॉ. संजय कन्नौजे, गुरुर एसडीएम प्राची ठाकुर, उपसंचालक पंचायत  आकाश सोनी, जनपद सीईओ उमेश रात्रे सहित अधिकारी-कर्मचारी, स्वच्छाग्राही महिला अउ बड़का संख्या म ग्रामीण मन ह स्वच्छता अभियान म अपन सहभागिता निभाके लोगन मन ल स्वच्छता के संदेश दिस।
 

बता दन कि जिला प्रशासन ह जिला म पर्यटन ल बढ़ावा देय बर विशेष पहल करत हे। एखर तहत जिला के गुरूर विकासखण्ड के ग्राम ओनाकोना म पतंग महोत्सव के आयोजन करे जात  हे। अइसने ही तारतम्य म आज 11 जनवरी के स्वच्छता अभियान के आयोजन सफलतापूर्वक संपादित करे गिस। एखर तहत सड़क, परिसर अउ जलाशय के तीर सफाई करे गिस। ओनाकोना म विभिन्न स्थान म डस्टबिन रखे गिस अउ पार्किंग, शौचालय अउ डस्टबिन के संकेतक घलो लगाया गिस। ओनाकोना म 13 जनवरी के नाइट कैम्पेग्न अउ बोनफायर अउ 14 जनवरी के मकर संक्रांति के अवसर म पतंग महोत्सव के आयोजन करे जाहि। एखर संग बीच वॉलीबॉल मैच, रस्सी खींच प्रतियोगिता, चित्रकला प्रतियोगिता, अंतर विभागीय पतंग प्रतियोगिता, नौका प्रतियोगिता अउ नौका पेंटिंग, सांस्कृतिक कार्यक्रम अउ रात्रि कैंपफायर के आयोजन करे जाहि।