जिला पंचायत सीईओ ह करिन विकास कार्य के निरीक्षण
जय जोहार…. गरियाबन्द जिला पंचायत के मुख्य कार्यपालन अधिकारी ह मनरेगा, गौठान, स्वच्छ भारत मिशन, चारागाह अउ रेडी टू ईट संबंधित कार्य के निरीक्षण करे हे।
ए अवसर म सीईओ लंगेह ह जनपद पंचायत छुरा के अंतर्गत शासन के महत्वकांक्षी कार्यक्रम के तहत बनाय जावत गौठान अउ आन गतिविधि के निरीक्षण करे हे।
एखर आलावा गादीमाई स्वसहायता समूह के तरफ ले तैयार करे जावत रेडी टू ईट के निरीक्षण घलो करिस। जेमा स्वासहायता समूह के तरफ ले संधा करे जावत दस्तावेज, कैश रिकार्ड के अवलोकन करिस। ए दौरान संधारण करे के निर्देश दिस।
एखर बाद ग्राम पंचायत कोसममुड़ा म एसबीएम के तरफ ले एलओबी योजना के तहत निर्मित करे जावत शौचालय निर्माण के निरीक्षण करे हे।
वहीं ग्राम पंचायत पाटसिवनी म मनरेगा अउ आदिम जाति कल्याण विभाग के अभिसरण ले तैयार करे जावत गौठान निर्माण के निरीक्षण करे हे।