जय जोहार…. गरियाबंद (gariaband) जिला के पुलिस अधीक्षक भोजराम पटेल ह आज जिला के सबो राजपत्रित अधिकारी अउ थाना प्रभारी मन के क्राइम बइठक ले हे। जेमा थाना म लंबित अपराध म विस्तार ले चर्चा करे गिस।
ए अवसर पर एसपी पटेल ह सब्बो थाना प्रभारी मन ल संवेदनशीलता के संग कार्य करे के निर्देश दे हे। हर माह समीक्षा म उत्कृष्ट कार्य करइया थाना ल पुरस्कृत करे जाही। ए माह उत्कृष्ट कार्य बर जिला विशेष शाखा ल पुरस्कृत करे गे हे।
(gariaband) एसपी पटेल ह कहिन कि थाना म आये प्रार्थी अउ पीड़ित व्यक्ति के बात ल संवेदनशीलता ले सुन के विधि अनुसार कार्यवाही करे।
थाना म आये व्यक्ति ले पुलिस के हर कर्मचारी ह सदव्यवहार कर बातचीत करे अउ ओखर बात ल धियान ले सुने।
उहचे अपराध के रोकथाम बर बेसिंग पुलिसिंग म फोकस कर अधिनियम के कार्यवाही अउ प्रतिबंधात्मक धारा के कार्यवाही बढ़ाय के बढ़ाय ल निर्देशित करे हे।
निगरानी बदमाश, गुंडा बदमाश अउ क्षेत्र के अवैध कारोबारी मन म सतत निगरानी रख के अंकुश लगाय के घलो निर्देश दे हे।
वो हा कहिन कि अलग-अलग मापदंड, अपराध निकाल, मर्ग, गुम इंसान अउ शिकायत के निराकरण, ग्राम रक्षा समिति ल सक्रिय कर थाना म स्पंदन कार्यक्रम चलाना, महिला मन ले संबंधित अपराध के त्वरित निराकरण करना आदि बिन्दु म माह भर म समीक्षा करे जाही।
जेमा जेन थाना के प्रदर्शन ह उत्कृष्ट रही, ओला पुरस्कृत करे जाही। ए अवसर पर जिला के एसपी पटेल ह ए माह उत्कृष्ट कार्य करे म जिला विशेष शाखा के प्रभारी सहायक उप निरीक्षक सुकलूराम नरेटी, प्रधान आरक्षक श्यामलाल बंजारे, प्रधान आरक्षक अनिल बंजारे, आरक्षक अनिल यादव, गजेंद्र साहू, जैनेंद्र कुटारे ल पुरस्कृत करिन।
बइठक म अतिरिक्त पुलिस अधीक्षक सुखंनदन राठौर, एसडीओपी गरियाबंद संजय धु्रव, एसडीओपी मैनपुर रूपेश डांडे, डीएसपी मुख्यालय टी.आर. कंवर, रक्षित निरीक्षक उमेश राय, निरीक्षकगण आर.के. साहू, वेदवति दरियो, राजेश जगत, बसंत बघेल,, हर्षवर्धन बैस, सत्येन्द्र श्याम उप निरीक्षक सुमन पोया, नवीन राजपूत, जयवीर भगत उपस्थित रिहिस।
