मुख्यमंत्री के कार्यक्रम म डालत रिहिस खलल, अभाविप के छात्र मन गिरफ्तार

जय जोहार रायपुर.. छत्तीसगढ़ म शिक्षा के गिरत स्तर अऊ रविशंकर यूनिवर्सिटी म व्यवस्था सुचारू रूप ले चलाय के मांग ल ले के आज अखिल भारतीय विद्यार्थी परिषद् के छात्र मन मुख्यमंत्री ले मिलना चाहत रिहिस ऊंखर हल्ला गुल्ला ले मुख्यमंत्री के कार्यक्रम म खलल होय के कारण सब्बो छात्र मन ल गिरफ्तार करके सरस्वती नगर थाना लेगे गिस.

इन्हा ए बी वी पी के विकास मित्तल,विभोर ठाकुर,यश गुप्ता,अखिलेश त्रिपाठी मन किहिस कि ये सरकार के तानाशाह पूर्ण रवैय्या हे, छात्र मन के आवाज दबाय के प्रयास करत हे ये सरकार, ओमन किहिन कि हमन शांति पूर्ण प्रदर्शन करत रहेन लेकिन पुलिस हमन ल जबरदस्ती गिरफ्तार कर लिस.