मानवता ल सर्मसार करइया वीडियो आघु आइस हे

गरियाबंद । जिला के बाडीगांव ले मानवता ल सर्मसार करइया वीडियो आघु आइस हे। वीडियो रविवार रात के बताए जात हे। जेमा ग्रामीन मन ह एक दिव्यांग के जमके पिटाई करिस, बताए जात हे कि ग्रामीन मन ह रात के अंधियार म ओला अकेला घूमत देख लइका चोर समझके ओकर उपर हमला कर दिन, अऊ बिना कुछ जाने समझे युवक के लाठी, डंडा अऊ लोहा के राड ले बेरहमी ले पिटाई कर दिस। युवक के मारपीट के वीडियो वायरल हो गिस हे। तस्वीर म लोगन दिव्यांग ल खाली पीटत हुए दिखई देत हे। उहें देवभोग पुलिस ह मउका म पहुंचके कउनो तरह ले उंकर जान बचाइस। उहें पुलिस ह युवक ल अपन संग थाना ले आइस हे, अऊ अस्पताल म उंकर इलाज करवात हे। पुलिस के कहना हे कि मामला के जांच करे जात हे।युवक ओडिसा के बरगड़ जिला के रहइया हे,फेर ओहर बाडीगांव कइसे पहुंचिस, येकर खुलासा अभु तक नइ होइस हे।