जय जोहार। (Raipur) सिक्षित बेरोजगार युवा मन बर मेगा जॉब फेयर के आयोजन राजधानी रईपुर म करे जात हे। ए राज्य स्तरीय मेगा रोजगार फेयर म दिव्यांग मन घलो सामिल हो सकत हे । इच्छुक दिव्यांग ह आवेदक ऑनलाईन लिंक https://forms.gle/qw8z6hkboDAbRYWs7 म 6 दिसम्बर तक मुफ़त आवेदन कर सकत हे।
(Raipur) प्रस्तावित रोजगार मेला के माध्यम ले निजी क्षेत्र के 9 सेक्टर म रिक्त 46 हजार 616 पद म भर्ती के कार्रवाई करे जाही। ए सेक्टर म अपेरल, बैंकिंग अउ फायनेंसियल, आई.टी-आईटीईएस, हेल्थकेयर टूरिज्म एण्ड हॉस्पिलिटी, लॉजिस्टिकस, मैन्यूफैक्चरिंग, रिटेल, सिक्योरिटी सामिल हे।
विशेष रोजगार कार्यालय के उपसंचालक डॉ शशीकला अतुलकर ह बताइन कि आई.टी.आई, पॅलिटेक्निक, इंजिनियरिंग उत्तीर्ण दिव्यांग आवेदक मन ल प्राथमिकता दे जाही । (Raipur)जेखर बर सैक्षणिक योग्यता 08वीं , 10वीं, 12वीं स्नातक, स्नाकोत्तर ,आई.टी.आई. पॉलिटेक्निक अउ इंजिनियरिंग उर्त्तीण आवेदक सामिल हो सकत हे । जादा जानकारी बर दूरभाष नंबर 0771-4044081 म संपर्क करे जा सकत हे ।
No Comment! Be the first one.