बहुआयामी प्रतिभा के धनी शहर के युवा लेखक अउ कवि चंपेश्वर गोस्वामी ल मिलही डिलीट मानद के उपाधि
छत्तीसगढ़ के माटी म पले बढ़े अउ इहां के संस्कृति परंपरा ल ले के रचनात्मक कार्य जईसे , कविता लेखन, छत्तीसगढ़ी में संचालन अउ कहानी लिखइया चंपेश्वर गोस्वामी ल कोन नई जाने अउ जेन नई जानत होही त उहू मन अब जान जाही काबर की छत्तीसगढ़िया माटी के ये सपूत ल महाराष्ट्र के वर्धा म 12 अक्टूबर के विक्रमशिला हिंदी विद्यापीठ डी लिट की मानद उपाधि ले सम्मानित करही
चंपेश्वर गोस्वामी ल 2018 म घलोक विद्यावाचस्पति डॉक्टरेट के उपाधि घलोक मिले हे। चंपेश्वर गोस्वामी एक बहुत अच्छा उद्घोषक आए , वो ह दूरदर्शन अउ आकाशवाणी म निरंतर अपन आवाज़ अउ संचालन ले पहचाने जाथे।ओखर द्वारा जय जोहार डॉट कॉम म जोहार पहुना अउ जोहार सितारा के गोठ बात ल बहुत पसंद करे जात हे।
चंपेश्वर के बड़ अकन कविता अउ कहानी संग्रह प्रकाशित होए हे ऊंखर “गीत के गाड़ी” पुस्तक बहुत पसंद करे गीस। निरंतर लेखन अउ उद्घोषन के कार्य करे ले चंपेश्वर गोस्वामी के कला म अउ निखार आत जात हे। शहर के युवा लेखक चंपेश्वर गोस्वामी ल डी लिट के मानद उपाधि मिले ले पूरा छत्तीसगढ़ के कला प्रेमी अउ साहित्य जगत म हर्ष के लहर हे।
गाड़ा गाड़ा बधाई आप ल जै जोहार ।
आप छत्तीसगढ़ के अस्मिता के लिए प्रयास रत हावव । छत्तीसगढ़ी भाखा बोली अउ संस्कृति यही तो हमर पहचान होथे । बिल्कुल मोटीवेट करव नया जनरेशन अउ नया पीढ़ी ल ताकि वो भी छत्तीसगढ़ी भासा म गोठियाय बताराय के चालू करंय ।
जीवेंद्र कुमार भारती
9584365700