भाजपा के रइली म कांग्रेस सरकार उपर जमके बरसीस डॉ. रमन

रायपुर. 60 दिन के सरकार गैर प्रजातांत्रिक काम करत हवय. शनिवार के ए बातराज्य के पूर्व मुख्यमंत्री डॉ. रमन सिंह ह एकात्म परिसर म कहिन. उमन
इहां आज होवइया रैली ल हरा झंडी दिखाए बर आए रहिन हे. उमन ए दउरान राज्यके कांग्रेस सरकार उपर जमके हमला बोलिस.

उमन कहि, सरकार के नाकामी के ए उदाहरण हे कि कउन-कउन ले संगठन काखर-काखर समर्थन म काम करत हे?. हिन्दू संगठन मन उपर उंखर निगाह हे. धर्मांतरण
करवइया उपर निगाह नइए. राष्ट्र ल तोड़इया मन के सूची इंखर पास नइए. हिदू
संगठन मन के सूची बनाए के कारन अइसन लोगन ल प्रताड़ित करे जात हे.

प्रधानमंत्री ह रखिस 130 करोड़ जनता के मान

ए मउवका म पूर्व मुख्यमंत्री ह कहिन, देस के प्रधानमंत्री नरेंद्र मोदी ह
देश के 130 करोड़ जनता के मान रखिस. हमार देस के सेना मन ह अपन जवान मन के बलिदान के बदला पाकिस्तान के अंदर घुस कर लिस. ए वक्त पूरा भारत देस एक
संग खड़े हवय. भारत के लड़ाई सिरिफ अउ सिरिफ आतंकवाद ले हे न कि कोनो देस
ले.