Durg District म वरिष्ठ नागरिक मन बर कार म बइठे बइठे वैक्सिन लगाए के सुविधा के होइस सुरुआत
जय जोहार…. (Durg District) कोविड -19 महामारी ले बचाव बर राज्य सरकार के तरफ ले चलाए जावत टीकाकरण अभियान के तहत वरिष्ठ नागरिक मन के सुविधा बर ड्राइव इन वैक्सिनेशन सुविधा ह आज ले दुर्ग जिला म सुरू हो गे हे।
बुजुर्ग नागरिक ह अपन कार म बइठे-बइठे वैक्सीन ल लगवात हे। वैक्सीन ल लगवाए के बाद आधा घंटा ओ मन ल कार म रेस्ट करना होवत हे। इहां मेडिकल टीम मौजूद रहिथे। आधा घंटा के आब्जरवेशन के बाद सबो कुछ समान्य रहे म घर जाय के अनुमति दे जात हे।
(Durg District) सोशल डिस्टेंसिंग के संग रेस्ट होय के सेती ये मुहिम बुजुर्ग मन बर खासी उपयोगी होवत हे। आज 80 बच्छर के उमर ले उपर के बुजुर्ग ह वैक्सिनेशन बर आइस हे। एमा ले कई अईसे रिहिन, जे मन ल चलई-फिरई म समस्या रिहिन।
वो हा बताईस कि ए सेती ले अब तक टीका लगाए के निर्णय ल रोक के रखे रिहिन। (Durg District) ओखर परिजन मन ह घलो कहिन कि घर के बुजुर्ग के वैक्सिनेशन के चिंता ह आसान सुविधा ल आज दूर हो गे हे। एखर बर जगह भिलाई के सूर्या शापिंग माल के पार्किंग ल चुने गे हे।
