जय जोहार…. धमतरी (dhamtari) जिले के बिरेझर चौकी म पुलिस विभाग म पदस्थ वाहन चालक के रिपोर्ट ह कोरोना पाजिटिव मिले हे।
एखर पहिले घलो मगरलोड थाना म पुलिसकर्मी अउ भखारा थाना म नगर सैनिक ह कोरोना पाजिटिव पाय गे रिहिस, जेन मन ह अब बने हो चुके हे।
मिले जानकारी के मुताबिक सहायक आरक्षक वाहन चालक के उम्र ह 40 वर्ष हे, जेन ह 29 जुलाई के दस दिन के छुट्टी म गे रिहिस।
वापस लहुटने म वाहन वाहन चालक ह कोरोना टेस्ट कराय रिहिस, जेखर रिपोर्ट ह मंगलवार देर रात पाजिटिव आए हे।
ए संबंध म (dhamtari) अतिरिक्त पुलिस अधीक्षक मनीषा ठाकुर ह बताइस कि बिरेझर चौकी म पदस्थ वाहन चालक ह रायपुर के रहवइया हे।
कुछ दिन पहिले वाहन चालक ह छुट्टी म घर गे रिहिस, ओखर भाई ल घलो कोरोना होय हे। (dhamtari) ड्यूटी ज्वाइन करे बर आय म ओला वापस भेज दे गे रिहिस।
जेखर बाद ओ हा खुद एम्स म जांच करवाय रिहिस, जेखर रिपोर्ट पाजिटिव आए हे।
ए संबंध म जिला के मुख्य स्वास्थ्य एवं चिकित्सा अधिकारी डॉ डीके तुर्रे ह बताइस कि मोला बिरेझर चौकी म वाहन चालक के कोरोना संक्रमित मिले के कोनो जानकारी नई मिले हे।
