गरियाबंद। सुने होहा जेमा दूध के नदिया बोहाए के बात होथे। फेर अइसन कुछ सच म देखे बर मिलिस गरियाबंद के पोंड गांव म। जिहां दुग्ध उत्पादक मन दूध ल नदिया म बोहाके बिरोध जताइन। बताए जात हे कि ये किसान मन ले दुग्ध महासंघ कइ बछर ले दूध बिसात आत हे। फेर 3 दिन पहिली गुणवत्ता के सवाल म किसान मन ले दूध लेना बंद कर दे गिस। जेकर बाद पोंड समिति ह 700 लीटर दूध ल नदिया म बोहाके बिरोध प्रदर्सन करिन। उत्पादक मन महासंघ उपर बहाना बनाए के आरोप लगात कहिन कि ओमन कइ बछर ले इही गुणवत्ता के दूध महासंघ ल देत आत हें। एती दुग्ध महासंघ के जिला अध्यक्ष ह जल्दी सबकुछ ठीक करे के भरोसा दिलाइस हे।
