उद्योग मंत्री के प्रयास लाइस रंग, कोरबा मेडिकल अस्पताल म बनही 200 बेड के क्षमता वाला नवा भवन
रायपुर। मुख्यमंत्री विष्णु देव साय के पहल म कोरबा मेडिकल अस्पताल म 200 बेड के क्षमता के नवा भवन निर्माण के स्वीकृति प्रदान करे गे हे। स्वास्थ्य सुविधा के विस्तार के क्रम म वाणिज्य उद्योग अउ श्रम मंत्री लखन लाल देवांगन के प्रयास रंग लावत हे। मेडिकल अस्पताल कोरबा म अब 200 बेड क्षमता के नवा भवन के निर्माण बर कुल 43.70 करोड़ के राशि के स्वीकृति मिली हे। ए भवन के बन जाए ले मेडिकल चिकित्सालय म बिस्तर के क्षमता बढ़ाके 650 हो जाहि। एखर अलावा वर्तमान अस्पताल भवन के अन्य विकास कार्य बर घलो राशि के स्वीकृति मिले हे।
बता दन कि मेडिकल कॉलेज कोरबा बर जब जिला अस्पताल के अधिग्रहण करे के संबद्ध करे गिस, तब अस्पताल म 100 बिस्तर के सुविधा रिहीन। प्रबंधन ह एनएमसी के गाइड लाइन के तहत बिस्तर के क्षमता 300 तक बढ़ाए गे रिहीन। एखर बर अस्पताल के पुराना भवन, कैजुअल्टी भवन अउ ट्रामा सेंटर म अतिरिक्त बिस्तर लगाए गे रिहीन। लंबा समय ले अस्पताल परिसर म 200 बेड के बिस्तर के अस्पताल भवन के निर्माण के मांग करे जात हे। अस्पताल प्रबंधन ह एखर बर मांग पत्र घलो भेजे गिस। मरीज मन के बढ़त संख्या अउ होवत परेशानी मन ल संज्ञान में लेके उद्योग मंत्री लखन लाल देवांगन ह बजट म एखर स्वीकृति बर राज्य शासन ल प्रस्ताव भेजिन। मंत्री देवांगन के प्रयास ले 200 बिस्तर क्षमता वाला अस्पताल भवन के निर्माण अउ अन्य सुविधा बर कुल 43 करोड़ 70 लाख के स्वीकृति राज्य शासन ह करिन हे।
गंभीर मरीज के इलाज बर जिला चिकित्सालय परिसर म 50 बिस्तर के क्रिटिकल केयर यूनिट के घलो निर्माण होगे। मेडिकल कॉलेज अस्पताल म एखर अलावा 100 बिस्तर क्षमता सीएसआर मद ले 3.5 करोड़ के लागत ले घलो निर्माण होही। छत्तीसगढ़ गृह निर्माण मंडल ल एखर बर क्रियान्वयन एजेंसी बनाए गे हे। उहें एसईसीएल के माध्यम ले परिजन मन के रुके बर 60 बिस्तर के रैन बसेरा के निर्माण होही।
मेडिकल कॉलेज अस्पताल म ऑर्थापेडिक डिपार्मेंट के बहुत जल्द विस्तार होवइया हे। मंत्री देवांगन के निर्देश म ट्रामा सेंटर बिल्डिंग के दूसर तल म दु ऑपरेशन थिएटर कक्ष म जल्दी ले उपकरण इंस्टॉलेशन होही। एखर बाद दुनों ऑपरेशन थिएटर म एक संघरा ऑपरेशन हो सकही। वर्तमान म पुराना भवन म ही एकमात्र ऑपरेशन थिएटर म लोड ज्यादा हे।
मंत्री लखन लाल देवांगन ह कहिन कि मेडिकल कॉलेज अस्पताल के हर डिपार्टमेंट ल सर्व सुविधा युक्त करे के दिशा म कार्य करत हे। बिस्तर के क्षमता बाढ़े के संघरा विशेषज्ञ चिकित्सक मन के आए ले जिलावासी मन ल बेहतर सुविधा मिलही। जिलावासी मन ह 43 करोड़ के स्वीकृति बर प्रदेश के मुख्यमंत्री विष्णु देव साय, वाणिज्य अउ उद्योग मंत्री, वित्त मंत्री अउ स्वास्थ्य मंत्री के बहुत-बहुत आभार प्रकट करिन हे।
