जय जोहार…. मन्त्रिमण्डरीय उपसमिति के बइठक ह आज बीज भवन म होय हे। ए बइठक म गोधन न्याय योजना के तहत किसान अउ पशुपालक मन ले डेढ़ रूपिया किलो के दर ले गोबर ल खरीदी करे जाय के अनुशंसा ल कृषि मंत्री रविन्द्र चौबे के अध्यक्षता म गठित मन्त्रिमण्डलीय उपसमिति ह करे हे।
ए बइठक म वन मंत्री मोहम्मद अकबर, सहकारिता मंत्री डॉ. प्रेमसाय सिंह टेकाम अउ नगरीय प्रशासन मंत्री डॉ शिव कुमार डहरिया ह शामिल होय हे।
छत्तीसगढ़ म गोधन के संरक्षण अउ संवर्धन, वर्मी कम्पोस्ट के उत्पादन ल बढ़ावा अउ ग्रामीण अर्थव्यवस्था ल बेहतर बनाय के उद्देश्य ले गोधन न्याय योजना के शुरूआत ह हरेली त्योहार ले होवइया हे।
ए योजना के तहत शासन के तरफ ले निर्धारित दर म किसान अउ पशुपालक मन ले गोबर के खरीदी ल करे जाही। जेखर जरिये वृहद पैमाना म वर्मी कम्पोस्ट खाद के उत्पादन ल करे जाही।
No Comment! Be the first one.