Corona: दुर्ग सांसद विजय बघेल के कोरोना रिपोर्ट आय हे पाजिटिव, ट्वीट कर दे हे जानकारी

जय जोहार….(corona) दुर्ग लोकसभा ले सांसद विजय बघेल ह कोरोना संक्रमित पाय गे हे। ए जानकारी ल सांसद बघेल ह ट्वीट कर दे हे।

मिले जानकारी के मुताबिक सांसद बघेल ह गुरुवार के बिहनिया कोरोना जांच करवाय रिहिन, जेखर रिपोर्ट ह शाम के (corona) पाजिटिव आय हे। ए बात के जानकारी ल सांसद बघेल ह स्वयं ट्‌वीटर म पोस्ट कर दे हे।

एमा सांसद बघेल ह अपन संपर्क म अवइया लोगन मन ल (corona) आइसोलेट होके अपन जांच करे के अपील करे हे। सांसद बघेल ल उपचार बर रायपुर एम्स म भर्ती करे गे हे। बता देन कि सांसद बघेल ल 5 नवंबर के सांस ले के समस्या सती घलो अस्पताल म भर्ती कराए गे रिहिन।