Train: दुर्ग-निजामुद्दीन-दुर्ग पूजा स्पेशल ट्रेन के 22 अक्टूबर ले होही परिचालन, कंफर्म यात्री मन कर सकही यात्रा

जय जोहार…. (Train) रेल यात्री मन के सुविधा अऊ मांग ल धियान म रखत हुये दक्षिण पूर्व मध्य रेलवे ले चलइया दुर्ग-निजामुद्दीन-दुर्ग त्रि-साप्ताहिक पूजा स्पेशल ट्रेन के परिचालन करे जाही। ए ट्रेन के परिचालन ह 22 अक्टूबर ले 29 नवंबर तक होही।

दुर्ग-निजामुद्दीन पूजा स्पेशल ट्रेन (Train) ह दुर्ग ले हरेक सोमवार, गुरुवार अऊ सनिच्चर के 22 अक्टूबर ले 28 नवंबर तक चलही। अइसने निजामुद्दीन-दुर्ग त्रि-साप्ताहिक पूजा स्पेशल ट्रेन ह निजामुद्दीन ले हरेक मंगलवार, शुक्रवार अऊ रविवार के 23 अक्टूबर ले 29 नवंबर तक चलही।

(Train) ए ट्रेन ह 6 एसी थ्री, 2 एसी टू, 1 एसी, 1 सह एसी, 7 स्लीपर, 1 पावर कार, 1 बफेट कार अऊ 3 सामान्य समेत 22 कोच के संग चलही। ए ट्रेन म कंफर्म यात्री मन ल यात्रा करे के अनुमति दे जाही।