जय जोहार। सीएम भूपेश बघेल (CM Bhupesh Baghel) ह शुक्रवार संझा भेंट-मुलाकात कार्यक्रम के दउरान दुर्ग सर्किट हाउस म कई सामाजिक संगठन के संग मुलाकात करीन। सामाजिक संगठन के प्रतिनिधि ह चर्चा के दउरान मुख्यमंत्री के समक्ष अपन समस्या अउ मांग ल रखीन । मुख्यमंत्री ह कई सामाजिक संगठन ल भवन निर्माण बर मउका म ही स्वीकृति प्रदान करीन ।
सरयू यादव समाज के अध्यक्ष बोधन यादव ह गोधन न्याय योजना सुरू करे बर मुख्यमंत्री के प्रति आभार जताइन । ए अवसर म वन मंत्री मोहम्मद अकबर, विधायक अरूण वोरा, मुख्यमंत्री के सचिव डॉ. एस. भारतीदासन घलो उपस्थित रिहीन। मुख्यमंत्री भूपेश बघेल ह सामाजिक संगठनों के प्रतिनिधि ले चर्चा के दउरान तंबोली समाज ल दुर्ग म 5000 वर्गफीट जमीन आबंटित अउ भवन बर 20 लाख रुपिया के स्वीकृति दीन ।
मुख्यमंत्री ह ढीमर समाज ल नगपुरा म जमीन आबंटित अउ शेड बर 50 लाख रुपिया के स्वीकृति दीन । देवांगन समाज ल गया नगर के सामाजिक भवन के उन्नयन बर 25 लाख रुपिया के स्वीकृति दे गीन । चंद्राकर समाज ल भवन संधारण बर 10 लाख रुपिया के स्वीकृति दे गीन। अइसने मुख्यमंत्री ह जन समर्पण सेवा समिति ल 5 लाख रुपिया स्वेच्छा अनुदान दे के घोसना करीन अउ कौशिक नाई समाज के मांग म ओमन ल रीपा म रोजगार के अवसर उपलब्ध कराए के घोसना करीन ।
Other Articles
No Comment! Be the first one.