Chhattisgarh: सबो निर्माण विभाग, निकाय, मण्डल अऊ बोर्ड म होही ई श्रेणी पंजीयन प्रणाली लागू

जय जोहार…. (Chhattisgarh) प्रदेश के बेरोजगार युवा मन ल स्वरोजगार ले जोड़े बर सीएम भूपेश बघेल ह एक बड़का फइसला ले हे। सीएम बघेल ह राज्य सरकार के तरफ ले लोक निर्माण विभाग म लागू करे गे ई श्रेणी पंजीयन प्रणाली ल अब राज्य शासन के सबो निर्माण विभाग, निकाय, मण्डल अऊ बोर्ड म घलो लागू करे के निर्देश दे हे।

सीएम बघेल ह कहिन कि लोक निर्माण विभाग के तरफ ले राज्य (Chhattisgarh) म एकीकृत ई श्रेणी पंजीयन प्रणाली लागू करे गे हे। ए पंजीयन ले स्थानीय बेरोजगार युवक ल स्वरोजगार उपलब्ध कराए जाय बर 20 लाख रुपया तक के लागत के एकल कार्य ल ब्लाक स्तर म सीमित निविदा ले प्रदाय कर जाय के प्रावधान करे गे हे।

लोक निर्माण विभाग के तरफ ले निर्माण कार्य के अनुबंध म 20 लाख रुपया ले जादा लागत के कार्य म डिप्लोमा इंजीनियर अऊ एक करोड़ ले जादा के कार्य म स्नातक इंजीनियर नियुक्त करे जाय के प्रावधान ल अनिवार्य करे गे हे। (Chhattisgarh) डिप्लोमा इंजीनियर ल 15 हजार रुपया प्रति महीना अऊ स्नातक इंजीनियर ल 25 हजार न्यूनतम प्रति महीना भगुतान के घलो प्रावधान करे गे हे।