cm भूपेश ह कहिन- गोधन न्याय योजना ले गांव के होही आर्थिक विकास

जय जोहार…. सीएम (cm) भूपेश बघेल ह प्रेस कांफ्रेंस ल संबोधित करत हुये कहिन कि मानसून के आगमन हो गे हे। किसान भाई ह अपन काम म लग गे हे। छत्तीसगढ़ सरकार ह सबले बड़का कदम उठाय हे, जेमा गोबर ल खरीदे के जिम्मा ले हे। ए योजना ले ग्रामीण स्तर पर आर्थिक विकास होही। एखर बर समिति घलो गठित करे गे हे।
गरीब कल्याण योजना ल ले के केन्द्र सरकार म निसाना साधत हुये सीएम (cm) बघेल ह कहिन कि छत्तीसगढ़ म कतना प्रवासी मजदूर एखर आकड़ा ह केन्द्र सरकार के पास हे, फेर भी जानबूझकर केंद्र सरकार ह आनाकानी करत हे। बिहार चुनाव म प्रधानमंत्री नरेंद्र मोदी के फोकस हे। छत्तीसगढ़ कांग्रेस के बइठक म मुख्यमंत्री (cm) भूपेश बघेल, प्रदेश कांग्रेस अध्यक्ष मोहन मरकाम, सांसद फूलोदेवी नेताम समेत वरिष्ठ नेता मौजूद रिहिस।