छत्तीसगढ़ बर खुशखबरी के खबर, लाकडाउन म प्रदेश म आर्थिक क्षेत्र म होइस तेजी, आरबीआई ह रिपोर्ट म दिस जानकारी

जय जोहार रायपुर…. कोरोना रोकथाम म छत्तीसगढ़ सरकार के प्रयास ल न केवल देश भर म सराहना मिलिस, बल्कि आज रिजर्व बैंक आफ इंडिया ह घलो अपन रिपोर्ट म बताइस हे कि देश व्यापी लाकडाउन के बावजूद छत्तीसगढ़ जैसा राज्य म आर्थिक क्षेत्र म तेजी ले वृद्धि देखे गिस, जेन कि देश म सुखद वातावरण बनात हे।

रिजर्व बैंक ऑफ इंडिया ह अपन रिपोर्ट म केहे हे कि पिछले तीन हफ्ता म घरेलू विकास म कुछु आकड़ा जारी करे गे हे, लेकिन वे अर्थव्यवस्था के व्यापक मूल्यांकन करे बर बहुत निराश करत हे। ए सब के बावजूद छत्तीसगढ़, पश्चिम बंगाल, तेलंगाना, ओडिशा, असम, कर्नाटक अऊ जैसा राज्य ह तालाबंदी के बावजूद बुवाई गतिविधि म अग्रणी हे।

खाद्यान्न अऊ बागवानी के उत्पादन म कृषि अऊ संबद्ध गतिविधि मन के सबो कार्य म निरंतर तेजी बने रहे के कारण ए राज्य मन म देश के अन्य विकसित राज्य मन के मुकाबले आर्थिक विकास के दर काफी अच्छा हे।