corona: राजनांदगांव जिला म फेर मिलिस कोरोना के 8 नवा मरीज, सीएमएचओ ह करिन पुष्टि

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। ए बीच आज राजनांदगांव जिला ले कोरोना (corona) के 8 नवा मरीज के पहचान होय हे।

जानकारी के मुताबिक चौकी ले 2, खैरागढ़ ले 2, डोंगरगढ़ ले 1, राजनांदगांव ले तीन मरीज मिले हे। एखर पुष्टि ल सीएमएचओ डॉ. मिथलेश चौधरी ह करे हे। सब्बो संक्रमित मरीज मन ल मेडिकल कॉलेज अस्पताल लाय के तैयारी ह चलत हे।
बता देन कि एखर पहिली जिला म कोरोना (corona) ले पहली मौत होय हे। बीते बुधवार के युवक के रिपोर्ट ह कोरोना पाजिटिव आय रहिस। मृतक युवक ल सर्दी, जुखाम के शिकायत रहिस। हालत बिगड़ने के बाद कुछु दिन पहिले जिला चिकित्सालय म भर्ती होय रहिस। जिहां ओखर स्वाब सैम्पल जांच बर भेजे गे रहिस। लेकिन रिपोर्ट आय ले पहिली युवक के मौत हो गे रहिस।