dhamtari के मगरलोड ब्लाक म मिलिस कोरोना के आठ नवा मामला, कुंडेल सरपंच घलो पाजिटिव

जय जोहार…. धमतरी (dhamtari) जिला म कोरोना मरीज मन के संख्या ह कम होय के नाम नई लेवत हे। जिला के मगरलोड ब्लाक म पिछिले 24 घंटा म कोरोना के आठ नवा मरीज मिले हे। एमा कुंडेल सरपंच अऊ भोथाडीह उपसरपंच घलो शामिल हे।

मिले जानकारी के मुताबकि (dhamtari) मगरलोड ब्लाक जेन नवा मरीज मिले हे। ओमा ग्राम कुंडेल ले 3, भोथाडीह ले 2, मोतिमपुर, मेघा अऊ हरदी ले 1-1 मरीज शामिल हे।

(dhamtari) ग्राम कुंडेल ले तीन नवा पाजिटिव मरीज मिले हे, जेमा ग्राम के सरपंच घलो पाजिटिव पाय गे हे। उहचे ग्राम भोथाडीह म दू महिला संक्रमित मिले हे, जेमा एक उपसरपंच हे। उहचे ग्राम हरदी ले 54 साल के महिला के रिपोर्ट ह पाजिटिव आय हे।