रायपुर। राजधानी रायपुर के 12 हजार ले अधिक घरेलू उपभोक्ता मन ल राज्य सरकार के बिजली बिल हॉफ योजना ले वंचित होना पड़ सकत हे. घरेलू उपभोक्ता मन ल बिना कोनो सब्सिडी के बिजली कंपनी के निर्धारित दर पर भुगतान करना ही हो ही. संगेच विद्युत विभाग एमा नकेल कसे बर कार्रवाई के तियारी घलो करत हे.
गउरतलब हे के 400 यूनिट तक के बिजली खपत करइया घरेलू उपभोक्ता मन के हॉफ बिजली बिल योजना का लाभ मिलही. जे 1 मार्च ले बिल म जुड़ना सुरू हो चुके हे, लेकिन जे उपभोक्ता मन उपर के अभु तक कोनो भी महीना के राशि बकाया हे. ए उपभोक्ता मन ल योजना ले वंचित करे जाही. ए नियम प्रदेशभर के घरेलू उपभोक्ता पर लागू होही.
बिजली कंपनी के चीफ इंजीनियर एके लखेरा ह बताइस के, राजधानी म ढाई लाख बिजली उपभोक्ता हे. एमा ले 12 हजार ले जियादा अइसे उपभोक्ता हवय. जेखर उपर 17 करोड़ रूपिया के बिल के राशि बकाया हे. इएमन अभु तक एखर भुगतान नई करे हवय. जेखर चलत अइसे उपभोक्ता मन ल बिजली बिल हॉफ योजना के लाभ नई मिलही. ब्लैक लिस्टेड करे जाही.
