राजधानी के ए पांच जोन मन म बिहिनिया एक घंटा बर बिजली सप्लाई रही बंद

जय जोहार रायपुर…. राजधानी रायपुर म पांच जोन मन के वार्ड मन म अब बिहिनिया रोजाना एक घंटा बर बिजली ह बंद रहवइया हे। ए संबंध म कलेक्टर ह आदेश जारी कर दे हे। जारी आदेश म केहे गे हे कि वार्ड मन म लोग नगर निगम के नल चालू होय के समय मोटर पंप के इस्तेमाल करत हे।

जेखर ले बाकी क्षेत्र मन म नागरिक मन ल पर्याप्त मात्रा म पानी नई मिल पात हे। जेखर वजह ले गंदा पानी आने के आशंका बने रहत हे अऊ पीलिया फैलत हे। पीलिया ले निजात पाए बर जोन क्रमांक 1,2,5,6 अऊ सात म प्रतिदिन बिहिनिया 6.30 बजे ले 7.30 बजे तक बिजली के आपूर्ति ह बंद रही।