elephent: धमतरी के जंगल म 21 हाथी के दल ह जमइस डेरा, पढो पूरा खबर

जय जोहार…. धमतरी जिला के मगरलोड विकासखंड के ग्राम खड़मा के जंगल म बीते तीन दिन ले 21 हाथी (elephent) के दल ह डेरा जमाय हुये हे। ऐ दल ह अब किसान मन के फसल ल नुकसान पहुंचावत हे। एखर ले किसान ह परेशान हे। उहचे वन विभाग ए ओर धियान नई हे।

ग्राम खड़मा के ग्रामीण मन ह बतइस हाथी के दल ह गांव के लगभग 50 किसान मन के 40 एकड़ ले जादा धान के फसल ल रौंद के खराब कर चुके हे। ग्रामीण मन ह शाम के मशाल ले के हाथी (elephent) के दल ल भगाय के प्रयास करथे, लेकिन हाथी ह नई भागत हे।

एखर जानकारी ल 9 सितम्बर के तहसीलदार अऊ पुलिस थाना म देवत हुये शासन ले फसल के मुआवजा के मांग करे हन। किसान मन ह कहिन कि हाथी के दल ल खदेड़े बर वन विभाग के तरफ ले कोना प्रयास नई करे जावत हे। जबकि हाथी (elephent) के तरफ ल करे गे फसल नुकसान के बदले म मुआवजा ह कम मिलत हे।