Elephant: बालोद जिला के डौंडी ब्लाक म फेर दे हे हाथी के दल ह दस्तक, पढ़ो पूरा खबर

जय जोहार…. (Elephant) बालोद जिला के डौंडी ब्लांक म फेर हाथी के दल ह दस्तक दे हे। एखर सती हड़कंप मच गे हे। पंचायत आमाडुला के ग्राम गोटीपारा म 5 ले 6 हाथी के दल घुस ले गांव के लोगन मन ह दहशत म रात गुजारे ल मजबूर हो गे हे। वन विभाग के फारेस्ट गार्ड अऊ डिप्टी रेंजर ह ग्राम गोटीपारा पहुंच के ग्रामीण मन के संग रतजगा करत हे।

मिले जानकारी के मुताबिक (Elephant) हाथी के दल ह एक फालतू कुत्ता ल मौत के घाट उतार दे हे। एखर आलावा ग्राम गोटीपारा म काफी तबाही मचात हुये हाथी के दल ह बाड़ी ल तोड़ दिस। ऊहचे सब्जी के फसल ल रौंद दे हे।

(Elephant) फारेस्ट गार्ड गीतेश यादव अऊ डिप्टी रेंजर चंद्रशेखर ह ग्रामीण न ल घर ले बाहर म आग जलाय ल कहत हे। जेखर ले हाथी के दल ह घर तक नई पहुंच सके।