India म कोरोना वायरस के नवा स्ट्रेन के हो गे एंट्री, ब्रिटेन ले आय 6 लोगन मन ह पाय गीस संक्रमित
जय जोहार…. (India) देश म कोरोना वायरस के नवा स्ट्रेन के एंट्री हो गे हे। ब्रिटेन ले आय 6 लोगन मन म नवा प्रकार के संक्रमण पाय गे हे। ए सबो लोगन मन ल राज्य सरकार के तरफ ले सेल्फ आइसोलेशन रूम म रखे गे हे। जबकि ओखर संपर्क म आय लोगन मन ल क्वारंटीन कर दे गे हे।
केंद्रीय स्वास्थ्य मंत्रालय के अनुसार 25 नवंबर ले 23 दिसंबर के मध्य ब्रिटेन ले लगभग 33 हजार यात्री मन ह भारत (India) म उतरिन। ए सबो यात्री मन ल ट्रैक कर राज्य सरकार के तरफ ले आरटीपीसीआर टेस्ट करवाए जात हे। अभी तक 114 लोगन मन ह कोरोना संक्रमित पाय गे हे।
बता देन कि ब्रिटेन म कोरोना के नवा स्ट्रेन के पहिला मामला ह सामने आय रिहिन। जेखर बाद भारत (India) सहित जादातर देश ह ब्रिटेन ले आय अऊ जाय वाला उड़ान म प्रतिबंध लगा दे हे। ब्रिटेन के बाद कोरोना के नवा स्ट्रेन ह भारत, फ्रांस, स्विटजरलैंड, जर्मनी, कनाडा, डेनमार्क म मिल चुके हे।
